Kakhara सबैको खबर सम्पूर्ण खबर
चाैरजहारीमा ट्रकभित्रै च्यापिएर एक मजदुरको मृत्यु, एक घाइते 

रुकुम पश्चिमको चौरजहारी नगरपालिका वडा नम्बर १ मा ट्रकभित्रै च्यापिएर एक मजदुरको मृत्यु भएको छ भने एक जना घाइते भएका छन् ।  शुक्रबार दिउँसो मिनि ट्रकले बोकेको मार्वल र सिमेन्टले च्यापिएर ट्रकमै बसेका एकजनाकाे मृत्यु भएकाे हाे  भने एक जना घाइते भएका हुन् । मृत्यु हुनेमा  डोल्पा जिल्लाको त्रिपुरासुन्दरी नगरपालिका वडा नम्बर १ का २४ वर्षीय देवचन्द्र सार्की रहेका छन् भने  सोही नगरपालिका वडा नम्बर ६ का २१ वर्षीय मन्दिर सार्की घाइते भएको जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक ऋषी पाठकले जानकारी दिनुभयो ।

 उहाँका अनुसार लुम्बनी प्रदेश ०३–००१ क ००२७ नम्वरकाे मिनि ट्रकको पछाडीको भागमा मार्वलसँगै ती दुई कामदार चढेको र मोडमा मार्वल बाँधेको डोरी चुडिएपछि बिचमा बसेका दुई मजदुर च्यापिएका हुन् । घटना पश्चात प्रहरी टोलीले ट्रक नियन्त्रणमा लिएको छ भने चालक सुर्खेतको गुर्भाकोट नगरपालिका वडा नम्बर ११ का विकास सुनार फरार रहेको प्रहरी निरीक्षक पाठकले जानकारी दिनुभयो । चालकको खोजि भइरहेको प्रहरीले जनाएको छ ।
 

प्रकाशित मिति: शुक्रबार, चैत ८, २०८१  १९:०८
प्रतिक्रिया दिनुहोस्
Weather Update