रुकुम पश्चिमको मुसिकोट नगरपालिका वडा नम्बर ७ का एक व्यक्तिमा देखिएको हैजाको रिपोर्ट नेगेटिभ आएको छ । गत शुुक्रबार जिल्ला अस्पताल सल्लेमा आएका मुसिकोट नगरपालिका ७ फेचङका एक १४ वर्षिय बालकलाई चेकजाँच गर्दा हैजा पोजेटिभ देखिएको थियो । हैजा पोजेटिभ देखिएपछि थप चेकजाँचको लागि दिसाको नमुना संकलन गरी राष्ट्रिय जन स्वास्थ्य प्रयोगशाला टेकु काठमान्डौँ पठाएकामा हैजाको रिपोर्ट नेगेटिभ आएको जिल्ला अस्पलाल सल्लेका सूचना अधिकारी कालीबहादुर ओलीले जानकारी दिनुभयो । 

उहाँका अनुसार थप चेकजाँचको लागि दुई जनाको दिसा टेकु पठाएको थियो । दुबै जनाको रिपोर्ट नेगेटिभ आएको उहाँले जानकारी दिनुभयो । हैजाको रिपोर्ट नेगेटिभ आएकाले स्थानीयबासीलाई त्रसित  नहुन उहाँले आग्रह गर्नुभयो । गर्मी समयमा हैजाको जोखिम बढी हुने भएकाले सबैले जनाले ताजा खाना तथा  सरसफाइमा विषेश ध्यान दिन भने आवश्यक रहेको  सूचना अधिकारी ओलीले बताउनुभयो ।

साथै स्वास्थ्य सम्बन्धी  समस्या देखिएमा नजिकको स्थानीय स्वास्थ्य संस्था तथा स्वास्थ्य सेवा कार्यालयमा जानकारी बनाउन समेत अस्पतालले आग्रह गरेको छ ।