प्रेस सेन्टर नेपाल कर्णाली प्रदेश समितिको तेस्रो अधिवेशन सुरु भएको छ । आइतबार कर्णाली प्रदेशको राजधानी विरेन्द्रनगर सुर्खेतमा प्रदेशको तेस्रो अधिवेशन सुरु भएको हो । अधिवेशन नेकपा (माओवादी केन्द्र)का कर्णाली प्रदेश इन्चार्ज तथा कालीबहादुर मल्लले  उद्घाटन गर्नुभयो ।

अधिवेशनको सफलताको शुभकामना व्यक्त गर्दै अधिवेशनले जुझारु र क्रियाशिल नेतृत्व चयन गर्नुपर्ने बताउनुभयो । अधिवेशनबाट  क्रियाशिल नेतृत्व चयन हुने र  प्रेस सेन्टरले विगतमा भन्दा थप क्रियाशिल भएर आफ्ना गतिविधि गर्नेमा उहाँले विश्वास व्यक्त गर्नुभयो । जनयुद्धबाटै जन्मेको पत्रकार संगठन प्रेस सेन्टरले विगतमा भएका परिवर्तनको लागि महत्त्वपूर्ण भूमिका खेलेको उल्लेख गर्दै गणतन्त्र विरोधी सलबलाउन थालेकोले यसका विरुद्ध पत्रकारले कमल चलाउनुपर्ने प्रदेश इन्चार्ज मल्लको भनाइ थियो ।

अहिले उद्घाटन सत्र सकिएर अधिवेशन बन्दसत्रमा प्रवेश गरेको छ । बन्द सत्रले सकेसम्म सहमतिमा नेतृत्व चयन गर्ने र सहमति हुन  नसके निर्वाचन जाने बताएको छ ।

निवर्तमान अध्यक्ष प्रतीक शर्माको अध्यक्षमा भएको उद्घाटन सत्रमा नेकपा माओवाद केन्द्र कर्णाली प्रदेश इन्चार्ज मल्लको प्रमुख आतिथ्यता रहेको थियो । त्यस्तै पार्टीका केन्द्रिय सदस्य बसन्तकुमार शर्मा, कर्णाली प्रदेश अध्यक्ष बिमला केसी, पुर्व  कर्णाली प्रदेश मुख्यमन्त्री राजकुमार शर्मा लगातको आतिथ्यता रहेको थियो । अधिवेशन नयाँ नेतृत्व चयन गर्दै भोलि सकिने छ ।