रुकुम पश्चिमको त्रिवेणी गाउँपालिका वडा नम्बर २ बर्खेटाकुरा निवासी १७ वर्षीय रेखा कठायतको उपचारको लागि सहयोगको याचना गरिएको छ । घरपरिवारको आर्थिक अवस्था कमजोर भएकाले उपचारमा समस्या भएकाले  सहयोगको याचना गरिएको हो । एक हप्ता अघि रेखाको लडेर हात भाचिएको  थियो भने शरीरको विभिन्न भागमा चोट लागेको थियो ।

हाल रेखाको कोहलपुर मेडिकल कलेजमा आइसियुमा राखेर उपचार भइरहेको परिवारले जनाएको छ । घर परिवारको आर्थिक अवस्था कमजोर भएको र उपचारको लागि खर्च धेरै लाग्ने भएकाले सहयोगको याचना गरिएको स्थानीय लालसिङ बुढाथोकीले जानकारी दिनुभयो  ।

उपचारमा समस्या भएका कारण सबैलाई सकेको सहयोग गर्न परिवारले आग्रह गरेको छ । सहयोग गर्न चाहाने व्यक्तीले बिरामी(रेखा) को भाउजू भिमा कठायतको लक्ष्मी सनराईज बैंकमा रहेको खाता नम्बर ०८७२०००५७१२ मा सहयोग गर्न अनुरोध गरिएको छ । रेखा त्रिवेणी माध्यामिक विद्यालय सिम्रुतु कक्षा ११ मा अध्यनरत विद्यार्थी  हुन ।