प्रेस सेन्टर नेपाल कर्णाली प्रदेश समितिको अध्यक्षमा सल्यानका प्रतीक ‘इच्छुक’ शर्मा सर्वसम्मत रुपमा चयन हुनुभएको छ । कर्णाली प्रदेशको राजधानी सुर्खेतको वीरेन्द्रनगरमा भएको तेस्रो अधिवेशनबाट उहाँको नेतृत्वमा २१ सदस्यीय प्रदेश समिति गठन गरिएको प्रेस सेन्टर नेपाल कर्णाली प्रदेशका इन्चार्ज ओपेन्द्र शर्माले जानकारी दिनुभयो । शर्मा पुनः अध्यक्ष पदमा दोहोरिनु भएको हो ।

उपाध्यक्षहरुमा धर्मराज जिसि (सुर्खेत), उपेन्द्र न्यौपाने (जुम्ला) र तुलसा रोका (पश्चिम रुकुम) चयन हुनुभएको छ । महासचिवमा अशोककुमार सिंह (कालिकोट), सचिवहरुमा तिलकराज वली (सल्यान), नरजङ तामाङ (हुम्ला), जुनाकुमारी रावत (जाजरकोट), प्रिमाकुमारी विश्वकर्मा (प्रेरणा, कालिकोट) तुलाराज चौलागाईं (आकाश, कालिकोट) चयन हुनुभएको छ । साथै कोषाध्यक्षमा कृष्ण शर्मा (दैलेख) चयन हुनुभएको इन्चार्ज शर्माले बताउनुभयो ।

सदस्यहरुमा रमिता खड्का मगर, कल्पना रावत, सुनिल महरा, कालीबहादुर नेपाली, इन्द्रबहादुर बुढाथोकी, बिक्रम तिरुवालगायत चयन हुनुभएको प्रेस सेन्टर कर्णाली प्रदेशले जनाएको छ । लेखा समिति संयोजकमा प्रचण्ड खत्री निर्वाचित हुनुभएको छ । चार जना सदस्य पछि मनोनित गरिने सङ्गठनले जनाएको छ ।