जिल्ला प्रशासन कार्यालय सल्यानमा राष्ट्रिय परिचयपत्र बनाउन गएका एक वृद्धको लडेर मृत्यु भएको छ । सिडिओ कार्यालयमा लडेका बागचौर नगरपालिका टाट्केका ७० वर्षीय टीकाराम ओली रहेको निधन भएको हो ।
 
जिल्ला प्रशासन कार्यालय सल्यानका प्रमुख जिल्ला अधिकारी सावित्रा पुनका अनुसार ओली बिहीबार बिहान ११ बजेतिर राष्ट्रिय परिचयपत्र बनाउन भन्दै जिल्ला प्रशासन कार्यालय पुग्नुभएकाे थियाे ।

सेवा लिनेक्रममा लडेपछि ओलीलाई तुरुन्तै जिल्ला अस्पताल सल्यान पुर्‍याइएकाे थियाे । तर, उपचारका क्रममा अस्पतालले मृत घोषणा गरेकाे प्रमुख जिल्ला अधिकारी पुनले बताउनुभयो ।