Kakhara सबैको खबर सम्पूर्ण खबर
हाम्रोे युवा समाजद्धारा स्थान प्राप्त गर्ने बालशिक्षा मावि गैरिनेटाका विद्यार्थीलाई शैक्षिक सामग्री प्रदान 

हाम्रो युवा समाज रुकुम पश्चिमले बार्षिक परीक्षा नतिजामा स्थान प्राप्त गर्ने विद्यार्थीलाई शैक्षिक सामग्री प्रदान गरेको छ । त्रिवेणी गाउँपालिका वडा नम्बर २ गैरिनेटामा रहेको बालशिक्षा माविका स्थान प्राप्त गर्ने सम्पूर्ण विद्यार्थीलाई हाम्रो युवा समाजले शैक्षिक सामग्री प्रदान गरेको हो । विद्यार्थीको हौसला स्वरुप बार्षिक परीक्षा नतिजा सार्वजनिक कार्यक्रमको अवसरमा बालशिक्षा देखि कक्षा ७ सम्म र कक्षा ९ मा स्थान प्राप्त गर्ने सम्पूर्ण विद्यार्थीलाई शैक्षिक सामग्री प्रदान गरिएको हाम्रो युवा समाजका अध्यक्ष शक्रिकिरण बुढाथोकीले जानकारी दिनुभयो ।

उहाँका अनुसार प्रथम, दोस्रो, तेस्रो र चौथो स्थान प्राप्त गर्ने ३६ जना विद्यार्थीलाई कापि, कमल प्रदान गरिएको हो । हौसला स्वरुप विद्यार्थीलाई ६ हजार ८ सय ९० रुपैयाँ बराबरको शैक्षिक सामग्री प्रदान गरिएको अध्यक्ष बुढाथोकीले जानकारी दिनुभयो । आगामी वर्षदेखि वडाभित्रका विद्यालयमा रहेका  गरिव तथा जेहेन्दार विद्यार्थीलाई शैक्षिक सामग्री सहयोग गर्ने योजना रहेको अध्यक्ष बुढाथोकीले बताउनुभयो ।

शैशिक सामग्री सहयोग गर्ने संस्थालाई बालशिक्षा माविका प्रधानाध्यापक चन्द्रमणी ओली तथा विव्यस अध्यक्ष भिमदत्त बुढाथोकीले धन्यवाद ज्ञापन गर्दै आगामी दिनहरुमा पनि सहयोग गर्न आग्रह गर्नु  भएको थियो । संस्थाले सोही विद्यालयबाट विदाई भएर एसइई परीक्षा दिने विद्याथीलाई पनि केही दिन अघी  शैक्षिक सामग्री सहयोग गरेको थियो । 
 

प्रकाशित मिति: शनिबार, चैत १६, २०८१  १७:३३
प्रतिक्रिया दिनुहोस्
Weather Update