नेकपा(माओवादी केन्द्र)ले रुकुम पश्चिमले प्रशिक्षक प्रशिक्षण कार्यक्रम सुरु गरेको छ । मुसिकोट नगरपालिका वडा नम्बर ५ सेरिगाउँमा रहेको सहिद स्मृति प्रतिष्ठानको सभाहलमा प्रशिक्षक प्रशिक्षण कार्यक्रम आजबाट सुरु भएको हो । आजबाट सुरु भएको प्रशिक्षक प्रशिक्षण कार्यक्रम चैत १८ गते सोमबारसम्म संचालन हुने माओवादी केन्द्र रुकुम पश्चिमले जनाएको छ ।

कार्यक्रममा प्रत्येक पालिकाबाट ५ जनाको दरले ३० जना र  अन्य गरेर ५० जनाभन्दा बढी माओवादीका नेता कार्यकर्ता कार्यक्रममा सहभागि भएका छन् । प्रशिक्षक प्रशिक्षण कार्यक्रममा विभिन्न १९ वटा विषयमा प्रशिक्षण दिईने नेकपा माओवादी केन्द्रका केन्द्रिय सदस्य तथा जिल्ला इन्चार्ज बसन्तकुमार शर्माले जानकारी दिनुभयो । तालिमको उदेश्य कुशल प्रशिक्षक तयार पार्ने लक्ष्य रहेको उहाँले बताउनुभयो ।

रुकुम पश्चिमबाट सुरु भएको प्रशिक्षक प्रशिक्षण कार्यक्रम कर्णाली प्रदेशका १० वटै जिल्लामा संचालन हुने माओवादी केन्द्रकी कर्णाली प्रदेश अध्यक्ष विमला केसीले बताउनुभयो ।

उद्घाटन कार्यक्रममा पार्टीका केन्द्रिय सदस्य तथा जिल्ला इन्र्चाज शर्मा, पुर्व कर्णाली प्रदेश सरकारका मुख्यमन्त्री राजकुमार शर्मा, पुर्व मन्त्री महेन्द्र केसी, जिल्ला समन्वय समिति प्रमुख लम्बिनी गौतम लगायत माओवादीका नेता कार्यताको सहभागिता रहेको थियो ।