रुकुम पश्चिमको मुसिकोट नगरपालिका वडा नम्बर ६ खारादह देखि वडा नम्बर १ को छिङ तथा जन्ती वस्ने लेकमा भिषण आगलागी भएको छ । शुक्रबार रातीदेखि सुरु भएको वन डढेलो अझै नियन्त्रमा आउन सकेको छैन् । उक्त वन डढेलाे  नियन्त्रण गर्न  डिभिजन वन कार्यालयको टोली, नेपाली सेना, नेपाल प्रहरी, सशस्त्र प्रहरी, मुसिकोट नगर प्रहरी तथा स्थानीय समेत गरी २ सय जना खटिएक थिए ।

७ घन्टा लामो प्रयास गर्दा पनि आगो पुर्णरुपमा नियन्त्रण नआएको डिभिजन वन कार्यालय रुकुम पश्चिमका निमित्त कार्यालय प्रमुख शेरबहादुर परियारले जानकारी दिनुभयो । आगो नियन्त्रमा नआएकाले रातको समयमा अझै फैलन सक्ने सम्भावना रहेकाले स्थानीय बासीलाई  सजगता अपनाउन आग्रह गरिएकाे छ । साथै गाउँवस्तीमा आगलागीको जोखिम बढेमा सुरक्षा निकायहरु तथा  डिभिजन वन कार्यालय सम्र्पक गर्न भनिएको छ ।