Kakhara सबैको खबर सम्पूर्ण खबर
घमण्ड सीलाई समाजवादी मोर्चा  त्रिवेणीको  नेतृत्व हस्तान्तरण 

रुकुम पश्चिमको त्रिवेणी गाउँपालिकामा समाजवादी मोर्चाको तेस्रो पुर्ण बैठक सम्पन्न भएको छ । सोमबार मोर्चाको तेस्रो बैठक सम्पन्न भएको हो । बैठकबाट समाजवादी मोर्चाको नेतृत्व नेकपाका नेता घममण्ड सिलाई हस्तान्तरण गरिएको छ । मोर्चाको कार्यविधिमा मोर्चा घटक दलहरुले आलोपालो नेतृत्व गर्ने व्यवस्था रहेको छ । सोही व्यवस्था अनुसार त्रिवेणी गाउँपालिकामा समाजवादी मोर्चाको नेतृत्व घमण्डलाई हस्तान्तरण गरिएको हो ।

यस अघी मोर्चाको नेतृत्व  नेकपा (माओवादी केन्द्र) का पालिका अध्यक्ष गनेशबहादुर खड्काले गर्नुभएको थियो । मोर्चाको बैठकले जनजिबिका, सुशासन , अलपत्र आयोजनाहरू , लागुऔषध दुब्र्यसनका समस्याहरू हल गर्न बिशेष पहल गर्ने निर्णय गरेको  छ । नेकपाबाट मोर्चामा संयोजक घमण्ड सहित सदस्यमा स्वयमप्रकाश सी र अरुण सी, नेकपा(माओवदाी केन्द्र) बाट गणेश खड्का, संजय ओलि र लक्ष्मण ओलि  रहनु भएको छ भने एकीकृत समाजवादीबाट दिनेश कार्की र चेतना कार्की माेर्चाकाे दस्यमा रहनु भएको छ ।

मोर्चाका निर्वमान संयोजक गनेशबहादुर खड्काको अध्यक्षता भएको बैठकमा मोर्चाका जिल्ला संयोजक  चन्द्र सी, सदस्य धनराज खड्का लगायतको उपस्थिति रहेको थियो । 
 

प्रकाशित मिति: मंगलबार, चैत १९, २०८१  १६:५८
प्रतिक्रिया दिनुहोस्
Weather Update