Kakhara सबैको खबर सम्पूर्ण खबर
रुकुम पश्चिममा औद्योगिक प्रदर्शनी सुरु

रुकुम पश्चिमको मुसिकोट नगरपालिका वडा वडा नम्बर  १ बालमन्दिर हलमा आजबाट औद्योगिक प्रर्दशनी सुरु भएको छ । उद्योग तथा उपभोक्ता हित संरक्षण कार्यालयको आयोजनामा बालमन्दिर हलमा आजबाट औद्योगिक प्रर्दशनी सुरु भएको हो ।  ‘‘उद्यमशिल संस्कृति, राष्ट्रको समृद्धि’’भन्ने नाराका साथ आजबाट औद्योगिक प्रर्दशनी सुरु भएको  कार्यालयले जनाएकाे छ ।

प्रर्दशनीका लागि जिल्लाका छ वटै पालिकामा संचालन रहेका उद्योग व्यवसायिहरुले आफ्नो उद्योगमा उत्पादन  भएका सामम्री प्रर्दशनमा राखेका छन् । उद्योगिक सामग्रीहरुको जनप्रतिधि, सरकारी तथा गैरसरकारी संस्थाका प्रमुख तथा प्रतिनिधीहरुले अवलोकन समेत गरेका छन् । प्रदर्शनीका लागि जिल्लाका छवटै पालिकाबाट १८ वटा उद्योगहरुले प्रदर्शनीमा भाग लिएको उद्योग तथा उपभोक्ता हित संरक्षण कार्यालयका प्रमुख रमेश ओलीले जानकारी दिनुभयो ।

8c387c3a-4af5-43f6-a4c7-c8363c138915-1743509058.jpeg

उहाँका अनुसार प्रर्दशनीमा प्रत्येक पालिकाबाट ३ जनाले सहभागिता जनाएका छन् । प्रर्दशनीमा अल्लोबाट निर्मित कपडा, अचार,  मुढा, ठेकी, नेपाली कागज, कापी लगायतका उद्योगमा उत्पादन भएका सामग्री प्रदर्शनमा राखिएको छ । भोली प्रदर्शनीमा राखिएको सामग्रीको मुल्यांकलन गरी उत्कृष्ट हुने व्यवसायिलाई पुरस्कृत गरिने कार्यालय प्रमुख ओलीले जानकारी दिनुभयो ।

inbound7568450944496220154-1743508361.jpg

प्रर्दशनीमा प्रथम स्थान प्राप्त गर्नेलाई २० हजार सहित प्रमाणपत्र, दोस्रो स्थान प्राप्त गर्नेलाई १० हजारसहित प्रमाणपत्र र तेस्रो स्थान प्राप्त गर्ने व्यवसायिलाई ७ हजार पुरस्कार सहित प्रमाणपत्रको व्यवस्था रहेको छ । कार्यक्रमको लागि ३ लाख बजेट  रहेको उद्योग तथा उपभोक्ता सहित संरक्षण कार्यालयका प्रमुख ओलीले जानकारी दिनुभयो । अद्यौगिक सामग्री अवलोकनको लागि पायक पर्ने ठाउँबाट हेर्नको लागि आउन समेत कार्यालयले सवैमा आग्रह गरेको छ । 

22a2a998-e63f-4b7c-bcb3-b6f650232e89-1743509038.jpeg

प्रकाशित मिति: मंगलबार, चैत १९, २०८१  १७:४२
प्रतिक्रिया दिनुहोस्
Weather Update