मृत्यु
आठविसकोटमा ट्याक्टर दुर्घटना हुँदा चालकको मृत्यु

रुकुम पश्चिमको आठविसकोट नगरपालिकामा ट्याक्टर दुर्घटना हुँदा एक जनाको मृत्यु भएको छ । गएराती वडा नम्बर ९ गिजास्थित राडीबाट कोट जोड्ने भित्री सडक खण्डमा सिमेन्ट लिएर जाँदै गरेको रा १ ३८८१ नम्बरको ट्याक्टर दुर्घटना हुँदा चालकको मृत्यु भएको हो । दुर्घटनामा परी ट्याक्टर चालक त्रिवेणी गाउँपालिका ५ का २० वर्षीय नविन परियारको मृत्यु भएको जिल्ला प्रहरी कार्यालय रुकुम पश्चिमका सूचना अधिकारी ॠषी पाठकले जानकारी दिनुभयो ।
उहाँका अनुसार ट्याक्टर सडक देखि ४ सय मिटर तल खोल्सामा खसेको थियो । दुर्घटना हुँदा चालकको शरिरको बिभिन्न भागमा चोट लागि उपचारको लागि नगर अस्पताल आठबिसकोटमा ल्याएकामा गएराती मृत्यु भएको हो । ट्याक्टरमा चालक मात्र रहेको प्रहरीले जनाएको छ ।
प्रकाशित मिति: बुधबार, चैत २०, २०८१ ०९:२७
प्रतिक्रिया दिनुहोस्