रुकुम पश्चिमको बाँफिकोट गाउँपालिका वडा नम्बर १ मा च्याउ खेती तालिम सुरु भएको छ । राष्ट्रपती महिला उत्थान जिविकोपार्जन सुधार कार्यक्रम अन्तरर्गत वडामा एक महिने च्याउ खेती तालिम सुरु भएको हो । वडामा रहेका दलित तथा विपन्न महिलालाई लक्षित गरी च्याउ खेती तालिम सुरु गरिएकाे वडाले जनाएको छ ।

बाँफिकोट गाउँपालिकाको आर्थिक सहयोग तथा थ्री आर इन्जिनियरिङ कन्सलटेन्सि एण्ड टेर्निङ सेन्टरको प्राविधिक सहयोगमा मंगलबारदेखि एक महिने च्याउ खेती तालिम सुरु भएको वडा अध्यक्ष धनबहादुर खड्काले जानकारी दिनुभयो । उहाँका अनुसार तालिममा वडाका २० जना दलित तथा अति विपन्न परिवारका महिलाहरुले सहभागिता जनाएका छन् ।

वडाले दलित तथा विपन्न परिवारका महिलाई छनोट गरी तालिममा सहभागि बनाएको हो । च्याउ खेती तालिम पश्चात  महिलाले व्यसायिक च्याउ खेती गरेर जिविकोपार्जनमा सुधार हुने वडाले अपेक्षा गरेको छ ।राष्ट्रपती महिला उत्थान जिविकोपार्जन सुधार कार्यक्रम अन्तरर्गत वडा नम्बर ६, ७ र ८ का २०/२० जना महिलालाई स्वीटर बुनाई तालिम रहेको छ  ।

च्याउ खेती तालिम र स्वीटर बुनाई तालिमको लागि गाउँपालिकाले  ८ लाख बजेट  विनीयाेजन गरेकाे जनाएकाे छ ।