रुकुम  पश्चिमको मुसिकोट नगरपालिका वडा नम्बर १० ले विपन्न परिवारलाई विमा रकममा ५० प्रतिशत आर्थिक सहयोग गरेको छ । वडामा रहेका विपन्न परिवार तथा नियमित उपचार गराइरहेका ३० घर परिवारलाई  वडाले विमा रकमको ५० प्रतिशत आर्थिक सहयोग गरेको हो । वडाभित्रका विपन्न परिवार तथा नियमित उपचार गराइहेका ३० घरपरिवारलाई ५० प्रतिशत अर्थात १ हजार ७ सय ५० रुपैयाँ आर्थिक सहयोग गरिएको वडा अध्यक्ष धनबहादुर खड्का ‘बसन्त’ले जानकारी दिनुभयो । 

उहाँका अनुसार वडाले ५० प्रतिशत सहयोग गरेसँगै ३० घरपरिवार स्वास्थ्य विमामा जोडिएका छन् । अव ति परिवारका सदस्य विरामी भएमा १ लाख रुपैयाँ बराबरको स्वास्थ्य सेवा निशुल्क प्राप्त गर्नेछन् । विरामी जुनसुकै बेला पनि हुन सक्ने  उल्लेख गर्दै स्वास्थ्य विमा गरेमा अप्ठेरो परिस्थितिमा आर्थिक अभावले उपचारमा समस्या नहुने भएकाले वडाबासीलाई स्वास्थ्य विमामा जोडिन वडा अध्यक्ष खड्काले आग्रह गर्नुभएको छ ।