रुकुम पश्चिमको एक सामुदायिक विद्यालयलाई शैक्षिक सामग्री सहयोग गरिएको छ । जिल्लाको मुसिकोट नगरपालिका वडा नम्बर १२ काँशपोखरीमा रहेको जन कल्याण माध्यमिक विद्यालयमा अध्यनरत गरिव तथा जेहेन्दार विद्यार्थीलाई शैक्षिक सामग्री सहयोग गरिएको हो । भूपू विद्यार्थी तथा रुकुमेली समाज विकास  केन्द्रका कार्यकारी निर्देशक नरेन्द्र ओलीले  विद्यालयमा अध्यनरत ३० जना गरिव तथा जेहेन्दार विद्यार्थीलाई ३६ हजार १ सय रपैयाँ बराबरको स्टेसनरी सामग्री सहयोग गरेको विद्यालयका प्रध्यानाध्यापक रामप्रसाद ओलीले जानकारी दिनुभयो । 

उहाँका अनुसार नरेन्द्रका वुवा धनबहादुर ओलीले विद्यालयलाई बुधबार अभिभावक भेलाको अवसरमा शैक्षिक सामग्री  हस्तान्तरण गर्नुभएको हो । अभिभावक भेलाको अवसरमा ओलीले सहयोग गरेका शैक्षिक सामम्री गरिव तथा जेहेन्दार विद्यार्थीलाई वितरण समेत गरिएको  प्रधानाध्यापक ओलीले  जानकारी दिनुभयो । शैक्षिक सामग्री सहयोग गर्ने नरेन्द्रका वुवा धनबहादुरलाई विद्यालयले दोसल्ला र सम्मान पत्रले सम्मान गर्नुका साथै धन्यवाद ज्ञापन गरेको छ ।

विद्यालयको समन्वयमा आफुले पहिले पढेको विद्यालयमा  गरिव तथा जेहेन्दार ३० जना विद्यार्थीलाई शैक्षिक सामग्री सहयोग गरेको नरेन्द्रले बताउनुभयो । आफु कार्यक्रममा सहभागि हुन नपाएपनि बुवाको हातबाट शैक्षिक सामग्री वितरण गरिएकोमा खुसि महसुस गरेको उहाँले बताउनुभयो । साथै विद्यालयको निरन्तर प्रगति र विद्यार्थीको उज्वल भविश्यको कामना समेत ओलीले गर्नुभएको छ ।