नेकपा (माओवादी केन्द्र) को सहायक संगठन योङ्ग कम्युनिस्ट लिग(वाईसीएल) नेपाल रुकुम पश्चिमले `जनयुद्ध´ दिवसको अवसरमा आयोजना गरेको बक्तृत्वकला प्रतियोगिताको नतिजा सार्वजनिक गरेको छ । जनयुद्ध दिवस एवम् सहिद सप्ताको अवसरमा वाइसीएलले  `जनयुद्धको उपलब्धि संस्थागत गर्न युवाकाे भुमिका ´शिर्षकमा  खुला डिजिटल  प्रतियोगिता  आयोजना गरेको थियो  । सोही बक्तृत्वकला प्रतियोगिताको निश्पक्ष मुल्यांकन गरि नतिजा सार्वजनिक गरिएको वाइसीएल नेपालका जिल्ला संयोजक गोविन्दप्रकाश ओलीले जानकारी दिनुभयो ।

उहाँका अनुसार खुला डिजिटल  प्रतियोगिताको पुर्व निर्धारित नियम सम्मत भ्युज लाइक, कमेन्ट र शेरको आधारमा ३० प्रतिशत तथा  विषय वस्तुको आधारमा ७० प्रतिशत गरेर १ सय पुर्णाङमा मुल्यांकन गरिएको उहाँले जानकारी दिनुभयो । निर्णायक मण्डलको मुल्यांकनबाट  अमृत केसीले प्रथम स्थान हासिल गर्दै नगद १० हजार ५ रुपैयाँ पुरस्कार प्राप्त गर्नुभएको छ । त्यस्तै ईश्वर ओली दोस्रो स्थान प्राप्त गरी ७ हजार ५ रुपैयाँ पुरस्कार प्राप्त गर्दा हरिस रावल  तेस्रो स्थान प्राप्त  गरी ५ हजार पाँच र सुदर्शन नकाल सान्त्वना स्थान प्राप्त गर्दै २ हजार ५ रुपैयाँ पुरस्कार प्राप्त गर्नुभएको छ ।

डिजिटल माध्यम मार्फत प्रतियोगितामा  राम्रो सहभागिता रहेको र आगामी वर्षहरुमा पनि कार्यक्रमलाई अझ थप व्यवस्थित एवम् उत्कृष्ट डङ्गले निरन्तरता दिइने  वाईसीएल रुकुम पश्चिमले जनाएको छ । प्रतियोगितामा सहभागिता जनाउने सबैलाई धन्यवाद ज्ञापन गर्दै  प्रतियोगिताको लागि आर्थिक रुपमा सहयोग पुर्याउने मानबहादुर कुसारी, विशाल बस्नेत, पशुपति रिजाल लगाए प्रत्यक्ष एवम्  अप्रत्यक्ष रुपमा सहयाेग गर्ने सबैलाई  सबौलाई आयोजक  धन्यवाद व्यक्त गरेको छ ।