रुकुम पश्चिमको त्रिवेणी गाउँपालिकामा रूख काट्ने क्रममा एक व्यक्ति गम्भीर घाइते भएका छन् । वडा नम्बर ९ नेपानेस्थित काेलगारे रतनमारे सामुदायिक वनमा रूख काट्ने क्रममा त्रिवेणी ९ हर्नाबाेटका ३४ वर्षीय रामबहादुर खत्री घाइते हुनुभएको हो ।

बिहीबार १२:१५ बजेको समयमा रुख काट्ने क्रममा सोही रुखको हाँगा अर्को रुखमा अड्किएर खसेर  लाग्दा खत्री घाइते भएको जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक ऋषि पाठकले जानकारी दिनुभयो । 

खत्रीको टाउको र निधारमा चोट लागि गम्भीर घाइते भएको र रुकुम पश्चिमको चौरजहारी अस्पतालमा उपचार भइरहेको उहाँले बताउनुभयो ।