जाजरकोट केन्द्र बिन्दु भएर शुक्रवार राति गएको भूकम्पका कारण रुकुम पश्चिममा एक किशोर घाइते भएका छन् । जिल्लाको त्रिवेणी गाउँपालिका वडा नम्बर ८ पेउघाका १६ वर्षीय खम्बु बिक घाइते हुनुभएको हो ।

गाउँ कार्यपालिका सदस्य लक्ष्मण विकका अनुसार भूकम्पका कारण घरको बार्दलीबाट खस्दा खम्बुको बायाँ खुट्टा भाँचिएको छ । घाइतेलाई उपचारका लागि जिल्ला अस्पताल ल्याइएको बताइएको छ ।

भूकम्पका कारण जिल्लाका विभिन्न ठाउँमा घरहरू चर्किएका खबरहरू प्राप्त भइरहेका छन् । जाजरकोट कुसे गाउँपालिका पैंक केन्द्र भएर शुक्रवार राति ८ बजेर ७ मिनेट जाँदा ५.२ म्याग्निच्युड र ८ बजेर १० मिनेटमा ५.५ म्‍यानिच्यूडको भूकम्प गएको राष्ट्रिय भूकम्प मापन केन्द्रले जनाएको छ ।

यो पनि पढ्नुहोस

भूकम्पबाट बच्न घर बाहिर निस्किन खोज्दा बाँफिकाेटमा किशोरी बेहोस