भूकम्पबाट जोगिन घर बाहिर निस्किन खोज्दा रुकुम पश्चिमको बाँफिकाेट गाउँपालिकामा एक किशोरी बेहोस भएकी छन् ।
शुक्रवार राती जाजरकोट केन्द्र भएर गएको भूकम्पले घर हल्लाएपछि सुरक्षित हुन घर बाहिर निस्किने क्रममा वडा नम्बर ९ का अमृत खत्रीकी छोरी १६ बर्सिया हिमाली देवकोटा घाइते हुनुभएको हो ।
आत्तिएर घर बाहिर निस्किन खोज्दा बेहोस भएको उहाँको भनाई छ । स्थानीय बालाराम देवकोटाका अनुसार हिमालीलाई उपचारका लागि जिल्ला अस्पताल सल्ले पठाइएको छ ।
भूकम्पका कारण घरकाे बार्दलीबाट खस्दा जिल्लाकाे त्रिवेणी गाउँपालिका ९ का १६ वर्षीय खम्बु बिक पनि घाइते हुनुभएको छ । बायाँ खुट्टा भाँचिएका खम्बुलाई पनि उपचारका लागि जिल्ला अस्पताल सल्ले ल्याइएको छ ।
भूकम्पका कारण जिल्लाका विभिन्न ठाउँमा घरहरू चर्किएका खबरहरू प्राप्त भइरहेका छन् । जाजरकोट कुसे गाउँपालिका पैंक केन्द्र भएर शुक्रवार राति ८ बजेर ७ मिनेट जाँदा ५.२ म्याग्निच्युड र ८ बजेर १० मिनेटमा ५.५ म्यानिच्यूडको भूकम्प गएको राष्ट्रिय भूकम्प मापन केन्द्रले जनाएको छ ।
-1739971319.jpg)
