नेकपा (माओवादी केन्द्र) को सहायक संगठन योङ्ग कम्युनिस्ट लिग(वाइसीएल) नेपाल रुकुम पश्चिमले जनयुद्ध दिवसको अवसरमा आयोजना गरेको बक्तृत्वकला प्रतियोगितामा स्थान प्राप्त गर्ने व्यक्तिलाई पुरस्कार वितरण गरेको छ । आज मुसिकोट नगरपालिका ५ सहिद प्रतिष्ठानको सभाहल सेरिगाउँमा एक कार्यक्रमको आयोजना गरी पुरस्कार वितरण गरिएको हो । तेस्रो स्थान प्राप्त गर्ने हरिस रावलको आमा भिमा रावललाई नेकपा(माओवादी केन्द्र) का मुसिकोट नगर कार्यबाहक अध्यक्ष धनबहादुर खड्का ‘बसन्त’ले पुरस्कार प्रदान गर्नुभएको थियो । पुरस्कार प्रदान कार्यक्रममा बोल्दै नगर कार्यबाहक अध्यक्ष खड्काले पछिल्लो पुस्ताले जनयुद्धको बारेमा अनुभव गर्न नपाएपनि जनयुद्ध किन र केका लागि भएको थियो भनेर जानकारी बनाउनुपर्ने बताउनुभयो । 

‘‘गनतन्त्र हामिले ल्यायौँ भनेर मात्र मान्छेहरु बुझ्ने अवस्था छैन् यसका लागि पार्टीले जनयुद्धको बारेमा जानतालाई बुझाउने र यस्ता खालका कार्यक्रम गर्न आश्यक रहेको छ’’ उहाँले भन्नुभयो । जनयुद्धले देशमा राजनितिक, सामाजिक, आर्थिक क्षेत्रमा आमुल परिर्वन ल्याएकाले जनयुद्धको विषयमा पार्टीका सवै जनवर्गीय संठनहरुले जनता सामु बुझाउन  र यस्ता खालका कार्यक्रमहरु गर्न आवश्यक रहेको उहाँको भनाई थियो । 

बक्तृत्वकला प्रतियोगिता प्रथम स्थान हासिल गर्ने अमृत केसीलाई १० हजार पाँच रुपैयाँ, दोस्रो स्थान प्राप्त गर्ने ईश्वर ओलीलाई ७ हजार पाँच रुपैयाँ, तेस्रो स्थान प्राप्त गर्ने हरिस रावललाई ५ हजार पाँच रुपैयाँ र  सान्तवना स्थान प्राप्त गर्ने शुर्दशन नकाललाई २ हजार पाँच रुपैयाँ सम्बन्धित स्थानीय तहको वाइसिएल समितिले पुरस्कार वितरण गरिसकेको वासिएल मुसिकोट नगर  इन्चार्ज राजु विकले जानकारी दिनुभयो ।

उहाँका अनुसार खुला डिजिटल  प्रतियोगिताको पुर्व निर्धारित नियम सम्मत भ्युज लाइक, कमेन्ट र शेरको आधारमा ३० प्रतिशत तथा विषय वस्तुको आधारमा ७० प्रतिशत गरेर १ सय पुर्णाङमा मुल्यांकन गरेर नतिजा सार्वजनिक गरिएको थियो । डिजिटल माध्यम मार्फत प्रतियोगितामा  राम्रो सहभागिता रहेको र आगामी वर्षहरुमा पनि कार्यक्रमलाई अझ थप व्यवस्थित एवम् उत्कृष्ट डङ्गले निरन्तरता दिइने वाईसीएल रुकुम पश्चिमले जनाएको छ ।  जनयुद्ध दिवस एवम् सहिद सप्ताको अवसरमा वाइसीएलले  ’जनयुद्धको उपलब्धि संस्थागत गर्न युवाको भुमिका शिर्षकमा खुला डिजिटल बक्तृत्वकला प्रतियोगिता  आयोजना गरेको थियो