रुकुम पश्चिमको त्रिवेणि गाउँपालिका वडा नं. ३ का अध्यक्ष स्वास्थ्यकर्मी लिएर वडावासीको अवस्था बुझ्न घर घर पुग्नुभएको छ । कोरोना महामारीको समयमा वडावासीको अवस्था बुझ्न र स्वास्थ्य सम्बन्धि परामर्शका साथै उपचार सेवा दिने उदेश्यले वडाध्यक्ष मोहन ओली स्वास्थ्यकर्मी लिएर वडावासीका घर घर पुग्नुभएको हो । 

कोरोनाका साथै अन्य रोगहरु जस्तै ज्वरो, रुघाखोकी, ग्यास्ट्रिक, दम लगायतका विभिन्न रोगबाट ग्रसित बिरामीको उपचारका साथै स्वास्थ्य परामर्श गरिएको छ । गाउँपालिका अस्पतालका इन्चार्ज कृष्णवहादुर ओलीले वडावासीको स्वास्थ्य जाँचका साथै औषधि वितरण गर्नुभएको थियो । 

कोरोना महामारीका बेला अन्य रोगका कारण धेरै वडावासी प्रभावित हुनसक्ने तर्फ सतर्क रहदैँ वडावासीको स्वास्थ्य जाँच, उपचार र स्वास्थ्य परामर्शका लागि वडाका प्रत्यक घरमा पुगिरहेका वडाध्यक्ष ओलीले बताउनुभयो । यसका साथै वडाले प्रत्यक घरमा २/२ वटा हात धुने साबुन पति बितरण गरेको छ । 

जनस्वास्थ्य मापदण्ड पालना गरेर स्वास्थ्य उपचार, परामर्श तथा साबुन वितरण गरिएको स्थानीय गोपाल ओलीले जानकारी दिनुभयो ।