आज रुकुम पूर्व सिस्ने गाउपालिका ५ रुमालबाराको एक परिवारलाई सहयोग प्राप्त भएको छ । असाय तथा अशक्त यामबहादुर नेपालीको परिवारलाई राहत प्रदान गरिएको हो । सिस्ने गाउँपालिका वडा नं. ५ का स्थानीय युवा व्यवसायी सोलभ सेन ठकुरीले नेपालीको परिवारलाइ घरमै पुगि राहत स्वरुप ३० किलोको १ बोरा चामल, ४ किलो दाल, १ बोतल तेल र २ पोका नुन दिनुभयो । 

बिगत ३ बर्षदेखि यामबहादुर घाइते अवस्थामा हुनुहुन्छ । घाइते यामबहादुरको गाउघरमा सहयोग संकलन गरि उपचार गरिएको थियो । तर पुर्ण उपचार हुन सकेको छैन् । राहत पाएपछि यामबहादुरको परिवारले खुशि व्यक्त गरेको छ । 

उहाको परिवारमा अहिले श्रीमती र २ छोरी छन् । उहाँको परिवारलाई कोरोना महामारीले हात मुख जोड्नै मुश्किल भएको छ । यहि समस्यालाई मध्यनजर गर्दै आफुले सकेको सहयोग गरेको ठकुरीले बताउनुभयो । उहाँले यो भन्दा पहिले पनि यस्तै दुःखमा परेका परिवारलाई सहयोग गर्दै आउनुभएको छ ।