रुकुम पश्चिमको आठबीसकोट नगरपालिका–७, दाजेमा शुक्रबार साँझ भएको जिप दुर्घटनामा परी ज्यान गुमाउनेको संख्या ५ पुगेको छ । दुर्घटनामा परी गम्भिर घाईते आठबीसकोट–८, का ५८ वर्षिय लालबहादुर नेपालीको आज बिहान मृत्यु भएको हो । नेपालीको नगर अस्पताल राडिमा सामान्य उपचार पछि थप उपचाका लागि नेपागञ्ज लैजादै गर्दा आज बिहान ३ बजेतिर जाजरकोटको कुदुमा मृत्यु भएको जिल्ला प्रहरी कार्यालयले जनाएको छ ।
जन्ति बोकेको जिप सडक भन्दा १ सय मिटर तल खस्दा ४ जनाको घटनास्थलमै मृत्यु भएको थियो । प्रहरीका अनुसार आठबीसकोट नगरपालिका–८, का अन्दाजि ५१ वर्षिय कलिभान नेपाली, सोहि ठाउँका ४८ वर्षिय आईते चनारा, ५१ वर्षिय गोरे नेपाली र ६६ वर्षिय सार्के नेपालीले घटना स्थलमै ज्यान गुमाउनुभएको थियो । आठबीसकोट नगरपालिका वडा नं. ८ को दाजेबाट १०÷१२ जना जन्ति बोकेर वडा नं. १० को घारीखोला फर्किरहेको रा.१ ज ५८९ नम्बरको जिप दाजेमा दुर्घटना भएको हो ।
