रुकुम पश्चिमको मुसीकोट नगरपालिकाका हरेक स्वास्थ्य संस्थामा अब शैय्या राखिने भएको छ । बिरामी उपचारका लागि हरेक स्वास्थ्य संस्थामा बिरामी राख्न बेड राखिने भएको हो । चालु आर्थिक वर्ष २०७७/०७८ अन्तर्गत नगरपालिकाको स्वास्थ्य सुधार तथा व्यवस्थापन कार्यक्रम अन्तरगत नगरपालिकाका १६ ओटा स्वास्थ्य संस्थामा बिरामी बेड पुगेका हुन् ।

 १६ ओटा स्वास्थ्य संस्थाको लागि २/२ वटाका दरले बेड र म्याट्रेस उपलव्ध गराइएको छ । नगरपालिकाका विभिन्न वडामा रहेका स्वास्थ्य संस्थामा ३२ जना बिरामिलाई पुग्ने वेड र म्याट्रेस हस्तान्तरण गरिएको नगरपालिकाका प्रमुख प्रशासकीय अधिकृत नरहरि तिवारीले जानकारी दिनुभयो । 

हाल नगरपालिकामा १५ ओटा स्वास्थ्य संस्थाले आफ्नै भवनबाट सेवा प्रबाह गरिरेका छन् भने एक भवन भने निर्माण हुन बाँकी छ । स्वास्थ्य क्षेत्रमा बिनियोजित ४५ लाख बजेटाटै बेड खरिद गरी स्वास्थ्य संस्थाहरुमा वितरण गरिएको हो । उक्त रकम अन्तरगत यो भन्दा पहिला सबै स्वास्थ्य संस्थामा फर्निचरका सामग्री पनि वितरण गरिएको थियो । नगरपालिकामा रहेका स्वास्थ्यचौकी र आधारभुत स्वास्थ्य ईकाइमा उक्त सामग्री दिइएको छ ।