रुकुम पश्चिमको मुसीकोट नगरपालिका ३ वडामा ओटा वडामा वर्षाै देखि थुपारिएको फोहोर व्यवस्थापन  लागेको छ । नगरपालिकाको वडा नम्बर १, ४ र ५ का मुख्य बजारमा वर्षौ देखि थुपारिएको फोहोर व्यवस्थापन गर्न लागिएको हो । वडा नम्बर १ को सल्ले, पातुखोला, खलंगाबजार, वडा नम्बर ५ को बागबजार, सेरीगाउँ, वडा नम्बर ४ को सोलाबाङ र बैरागिठाँटीमा वर्षौ देखि थुप्रिएको फोहोर व्यवस्थापनमा लागिएको नगर उप–प्रमुख प्रेमकुमारी सुनारले जानकारी दिनुभयो । उहाँका अनुसार बजारको चोक–चोकमा थुपारीएका फोहोर नगरपालिका र बजार सरसफाई समितिले उठाउने गरेकोमा बजार विभिन्न ठाउँमा भने वर्षौ देखि फोहोर थुप्रिएको छ ।

त्यस्ता ठाउँको फोहोर व्यवस्थापनमा नगरपालिकाले काम गरिरहेको नगर उप–प्रमुख सुनारले जानकारी दिनुभयो । फोहोर व्यवस्थापनमा ५० जना कामदार खटिएका छन् । सल्ले, खंलगा, बागगवजार, सेरीगाउँ, सोलाबाङ र बैरागिठाँटीका विभिन्न ठाउँमा फोहोर व्यवस्थापनको लागि ५० जनालाई खटाइएको जानकारी दिनुभयो प्रधानमन्त्री रोजगार कार्यक्रम अन्तरगतको ३ लाख ४१ हजारले फोहोर व्यवस्थापनको काम भइरहेको हो । फोहोर व्यवस्थापन गर्न थालेको ५ दिन भइसकेको र अब थप ५ दिन सम्म सबै ठाउँको फोहोर व्यवस्थापन गरी सक्ने नगरपालिकाको भनाई छ ।

त्यस्तै फोहोर व्यवस्थापनका साथै यी ३ वडामा रहेका विभिन्न सार्वजनिक स्थानमा उम्रेका झाडि तथा बुट्यानहरु हटाएर विभिन्न प्रजातिका विरुवा लगाईने भएको छ । पहिलो चरणमा खंलगाको सहिद मैदान र पुष्पलाल चोक नजिकको सार्वजनिक स्थानमा विरुवा रोप्नको लागि डिभिजन बन कार्यालयसँग सहकार्य भइरहेको नगरपालिकाले जानकारी दिएको छ । अन्य ठाउँमा पनि विरुवा रोपिने छ । फोहोर व्यवस्थापन पछि ३ वडाका विभिन्न बजारका मुख्य–मुख्य ठाउँमा डस्विन राखिने र फोहोर व्यवस्थापनको जिम्मा बजारमा रहेका फोहोर व्यवस्थापन समितिलाई दिईने उप–प्रमुख सुनारले जानकारी दिनुभयो ।