कर्णाली प्रदेश सरकारले भोली असार १५ गते प्रदेशका ९ वटा जिल्लामा सार्वजनिक बिदा दिएको छ । सरकारले धान दिवसको अवसरमा जुम्ला बाहेक अन्य ९ वटा जिल्लाहरुमा सार्वजनिक बिदा दिएको हो । मन्त्रिपरिषदको गत वैशाख १७ गतेको निर्णय अनुसार सबै सरकारी तथा सार्वजनिक कार्यालय, शैक्षिक संस्था, बैंक तथा वित्तिय संस्थाहरुमा सार्वजनिक बिदा दिईएको आन्तरिक मामिला तथा कानून मन्त्रालयले जनाएको छ । सरकारले हरेक वर्ष असार १५ लाई धान दिवसका रुपमा मनाउने गरेको छ । असार महिनालाई मानो रोपेर मुरी उब्जाउने महिनाका रुपमा लिने गरिन्छ । धान उत्पादनका हिशावले असार महत्वपूर्ण महिना हो ।