रुकुम पश्चिम लगायतका नौं जिल्लामा आज सार्वजनिक बिदा दिईएको छ । कर्णाली प्रदेश सरकारले धान दिवसको अवसरमा आज प्रदेशका नौं जिल्लामा सार्वजनिक बिदा दिएको हो । धान दिवस मनाउनका लागि सरकारले जुम्ला बाहेकका अन्य जिल्लामा बिदा दिएको छ । आज सरकारी तथा सार्वजनिक कार्यालयहरु, शैक्षिक संस्थाहरु बन्द रहने छन् । हरेक वर्षको असार १५ लाई धान दिवसका रुपमा मनाउने गरिन्छ । मानो रोपेर मुरी उब्जाउने महिनाका रुपमा असारलाई लिईन्छ । आज दहि चिउरा समेत खाने गरिन्छ ।