रुकुम पश्चिमको त्रिवेणि गाउँपालिकाले विभिन्न व्यक्तिलाई सम्मान गरेको छ । छैठौं गाउँ सभाको अवसरमा गाउँपालिकाले विभिन्न व्यक्तिलाई सम्मान गरेको हो । गाउँपालिकाका लागि जग्गादान गर्ने जग्गादाताहरु, जनप्रतिनिधि तथा कर्मचारीलाई सम्मान गरिएको हो । खादा र सम्मान पत्र सहित उनिहरुलाई सम्मान गरिएको गाउँपालिकाका निमित्त प्रमुख प्रशासकीय अधिकृत रमेश पुन मगरले जानकारी दिनुभयो ।
जिल्ला समन्वय समिति प्रमुख राजकुमार शर्मा, गाउँपालिका अध्यक्ष झक्कुप्रसाद घर्ती मगर, नेकपा माओवादी केन्द्रका नेता वसन्तकुमार शर्माले उनिहरुलाई सम्मान गर्नुभएको थियो । गाउँपालिकाका जग्गादान गर्ने ३४ जना जग्गादाातालाई सम्मान गरिएको छ । सबभन्दा बढी राजश्व संकलन गर्ने २ नम्बर वडाध्यक्ष शोभाराम बोहरा र वडा सचिव रामबहादुर केसी पनि सम्मानित हुनु भएको छ । उनिहरु सबैले गाउँपालिकाका लागि २६ रोपनी बढी जग्गा निःशुल्क दान गरेका छन् ।
