जिल्ला समन्वय समिति रुकुम पश्चिमको गाडि दुर्घटना भएको छ । कर्णाली प्रदेश ०२–००१–झ ००९२ नम्बरको स्कारपियो आइतबार मुसीकोट नगरपालिका ४, स्थित शितलपोखरी नजिकै उक्त गाडि दुर्घटना भएको हो । एक कर्मचारीलाई घर पुर्याउन तथा डिजेल हाल्न गएको गाडि फर्कने क्रममा र्दुघटना भएको हो ।

टिप्परले झुक्काएका कारण गाडि दुर्घटना भएको जिल्ला प्रहरी कार्यालयका सूचना अधिकारी प्रहरी निरीक्षक कपिल शाहीले जानकारी दिनुभयाे । उक्त गाडिमा अरु मान्छे नभएको र चालक सकुशल रहेको प्रहरी निरीक्षक शाहीले जानकारी दिनुभयो । गाडी सडकदेखि झण्डै ५० मिटर तल खसेकाे छ ।