रुकुम पश्चिमको मुसीकोट नगरपालिकाले राजनीतिक अन्तरक्रिया गरेको छ । जिल्ला स्थित राजनीतिक दलसित नगरपालिकाले छलफल गरेको हो । आगामी नगरसभामा पेश गर्ने विषयवस्तुका सन्दर्भमा राय लिनका लागि अन्तरक्रिया गरिएको नगरप्रमुख देविलाल गौतमले जानकारी दिनुभयो । छलफलमा नगरको केन्द्र तोक्ने तथा अरु समसामयिक विषयमा छलफल भएको नगरप्रमुखको सचिवालयले जनाएको छ ।
छलफलमा नगरप्रमुख गौतमले चार वर्षसम्म नगरपालिकाले गरेको कामकाज, विकास निर्माण, तय गरेका नीति, योजना, कार्यविधिका विषयमा संक्षिप्तमा जानकारी गराउनुभएको थियो । छलफलमा सहभागि राजनीतिक दलका नेताहरुले सबैको राय, सल्लाह र परामर्शमा विकास निर्माण गर्दा सजिलो हुने र त्यसरी नै अघि बढ्न नगरपालिकालाई सुझाएका छन् ।
छलफलमा नेकपा माओवादी केन्द्रका केन्द्रीय सदस्य तथा जिल्लाका सह इन्चार्ज वसन्तकुमार शर्मा र गोविन्द रोका, नेपाली कांग्रेसका महासमिति सदस्य कृष्णबहादुर रोकाय र जिल्ला सचिव गोरखबहादुर खत्री, नेकपा एमालेका मावध गौतम र दिपकराज खड्का तथा राष्ट्रिय जनमोर्चाका गिरीप्रसाद बुढा लगायतका नेताहरु सहभागि भएका थिए ।
