रुकुम पश्चिमको मुसीकोट नगरपालिकाको केन्द्र वडा नम्बर ५ को शेरिगाउमा राख्ने प्रस्तावमा अहिले नगर सभामा मतदान भइरहेको छ । नगरपालिकाको केन्द्र वडा नम्बर १ खलंगाबाट वडा नं. ५ को शेरिगाउँमा सार्ने प्रस्ताव माथि अहिले नगरसभामा मतदान चलिरहेको हो । यसका लागि नगरसभाको दुई तिहाई आवश्यक पर्छ ।

नगरसभा कुल ७५ सदस्यीय हो । यसमा २ जना सदस्य जिल्ला समन्वय समितिको सदस्यमा निर्वाचित भएका छन् । बाँकी रहेका ७३ मध्यमा १ जना सदस्यले राजिनामा दिएका छन् । अहिले नगरसभा ७२ सदस्यीय छ । केन्द्र सार्ने प्रस्ताव पारित हुनका लागि दुई तिहाई अर्थात ४८ सदस्यको समर्थन चाहिन्छ । नेपाली कांग्रेसले भने आजको नगरसभा बहिष्कार गरेको छ । कांग्रेसका २४ जना सदस्य छन् । उनिहरु कोही पनि नगरसभामा गएका छैनन् ।