माध्यमिक शिक्षा परीक्षा (एसइई)मा रुकुम पश्चिमका ८ जना विद्यार्थीले ३.६० भन्दा माथिको जीपीए ल्याएका छन् । हिजो प्रकाशित नतिजा अनुसार साधारण तर्फ जिल्लाका ८ जना विद्यार्थीले ३.६० देखि माथि र ४ भन्दा कम जीपीए प्राप्त गरेका शिक्षा विकास तथा समन्वय इकाइले जनाएको छ । 

यसमा मुसिकोट खलंगाको त्रिभुवन जनता माविका ५ जना, विजयश्वरी वोर्डिङ स्कुल, शेरिगाउँको न्यु मुन लाइट बोर्डिङ स्कुल र चौरजहारीको भ्याली पब्लिक बोर्डिङ स्कुलका १÷१ जना रहेका छन् । त्यस्तै प्राविधिक धार तर्फ २ जनाले ३.६० देखि ४ भन्दा कम जीपीए प्राप्त गरेको कार्यालयले जनाएको छ । प्राविधिक धार तर्फका सबै शितल मावि चौरजहारीका हुन् । जिल्लामा ४ जीपीए भने कसैले पनि ल्याएका छैनन् ।