रुकुम पश्चिममा निजामती सेवा दिवसको अवसरमा आयोजित ब्याडमिन्टन प्रतियोगिता अन्तर्गत महिला तर्फ डिला पुन र डिलमाया बोहोराको जोडी प्रथम भएको छ । खलंगास्थित बराहटाकुरा कवर्डहलमा आज बिहान भएको फाइनलमा निर्मला मल्ल र चाँदनी महताराको जोडीलाई २–१ को सेटमा पराजित गर्दै डिला र डिलमायाको जोडी प्रथम भएको हो ।

प्रतियोगितामा यमा केसी र कोपिला गुरुङ्ग तथा शुशिला शाह र खीमा खड्काको जोडी शान्त्वना भएको छ । प्रतियोगिता कर्मचारीका विचमा भएको थियो । त्यस्तै पुरुष तर्फ इश्वर रावल र डेविड रावलको जोडी विजेता बन्यो । पुरुष तर्फ १६ जोडीले प्रतिस्पर्धा गरेका थिए । कर्मचारी मिलन केन्द्र रुकुम पश्चिमले प्रतियोगिता आयोजना गरेको हो । दिवसको मुख्य दिन भोली कर्मचारीका विचमा हाजिरजवाफ प्रतियोगिता आयोजना गरिएको आयोजकले जनाएको छ ।