रुकुम पश्चिमको मुसिकोट नगरपालिका वडा नम्बर ३ माछिमिमा आज दिउँसो भएको अटो दुर्घटनाका घाइते मध्ये दुई जनालाई रिफर गरिएको छ । मुसिकोट नगरपालिका वडा नम्बर १४ का ३८ वर्षीय सुशील बिष्ट र १८ वर्षीय कपिल विष्टलाई जिल्ला अस्पताल सल्लेले थप उपचारका लागि रिफर गरेको हो ।

उनीहरूलाई एम्बुलेन्स मार्फत काठमाडौँ लगिएको प्रहरीले जनाएको छ । उनीहरू सहोदर दाजु भाइ हुन । सुशील भूमि आयोग रुकुम पश्चिमका विज्ञ सदस्य समेत हुनुहुन्छ । खलङ्गाबाट चौतारा तर्फ जाँदै गरेको रा १ ह ६९५२ नम्बर अटो दुर्घटना हुँदा ८ जना घाइते भएका छन् । अटो अनियन्त्रित भएर दुर्घटना भएको बताइएको छ ।