प्रधानमन्त्री समेत रहनुभएका नेकपा माओवादी केन्द्रका अध्यक्ष पुष्पकमल दाहाल प्रचण्ड बिहीबार रुकुम पश्चिम पुग्नुभयो । पार्टीको तीन महिने अभियान जनतासँग माओवादी विशेष रूपान्तरण अभियान अन्तर्गत जिल्लाको बाँफिकोट गाउँपालिका वडा नम्बर ६ मग्मा पुग्नुभएका प्रचण्ड माओवादी केन्द्र बाँफिकोट ६ र ७ को संयुक्त विस्तारित बैठकमा सहभागी बन्नुभयो । उहाँ बैठकमा सहभागी हुनु मात्र भएन दुवै वडाको इन्चार्जको भूमिका समेत निर्वाह गर्नुभयो । इन्चार्जको हैसियतमा बैठकमा सहभागी हुनुभएका प्रचण्डले रिपोर्टिङ सुन्नुका साथै उठेका प्रश्नको जवाफ समेत दिनुभएको थियो ।
बैठकपछि उहाँले सहिद परिवार तथा घाइते अपाङ्गहरूसँग भेटघाट गर्नुभयो । भेटघाट सकिएपछि पार्टीको जिल्ला स्तरीय अगुवा कार्यकर्ता भेटघाटमा व्यस्त हुनुभयो । जस क्रममा जिल्ला पार्टीले अभियान तथा पार्टी सङ्गठनको अवस्था बारेमा रिपोर्टिङ गरेको थियो । भेटघाट पश्चात् प्रचण्ड मग्मामै आयोजित सहिद स्मृति मेलामा सरिक हुनुभयो । मेलाको उद्घाटन सहित उहाँले सम्बोधन पनि गर्नुभयो । त्यस क्रममा उहाँले के भन्नुभयो त ? सुन्नुहोस् ।
भिडिओ
