रूकुम पश्चिमकाे मुसिकाेट नगरपालिका १ नेपानेमा गाडी दुर्घटना भएकाे छ । साेलावाङ-बालुवा सडकखण्ड अन्तर्गत मुसिकाेट १ काे गिल्वाङ नजिकै खलंगाबाट बाँफिकाेटकाे छिनखेत जाँदै गरेकाे इन्टरनेट सेवा प्रदायक वल्र्ड लिंक कम्युनिकेशनको सानाे गाडी केही समय अघि दुर्घटना भएकाे हाे । घटनाकाे थप विवरण आउन बाँकी छ । जिल्ला प्रहरी प्रमुख प्रहरी नायव उपरीक्षक नवराज पाेख्रेलले दुर्घटनाकाे जानकारी आएकाे र प्रहरी टाेली घटनास्थलमा खटाइएकाे बताउनुभयाे ।

२ वटा एम्बुलेन्स पनि पठाइएकाे उहाँकाे भनाई छ । गाडी सडकबाट करिब दुई, अढाई सय मिटर तल खसेकाे जानकारी रहेकाे डिएसपी पाेख्रेलले बताउनुभयाे । गाडीमा ५, ७ जना सवार रहेकाे समेत जानकारी रहेकाे उहाँले बताउनुभयाे । यसैविच तीन जना घाइतेलाई उद्धार गरी उपचारका लागि जिल्ला अस्पताल पठाइएकाे बताइएकाे छ ।