नेकपा माओवादी केन्द्रको विद्यार्थी सङ्गठन अखिल क्रान्तिकारी रुकुम पश्चिमको अध्यक्षमा चौरजहारी १० का निराजन केसी निर्वाचित हुनुभएको छ । अध्यक्षका लागि आज भएको निर्वाचनबाट केसी अध्यक्षमा निर्वाचित हुनुभएको हो । कुल ३३ जनाले मतदान गरेकामा केसीले १६ मत पाउनुभयो । उहाँका निकटतम प्रतिद्धन्दि विशाल बिष्टले १२ मत पाउँदा खुमराज ओलीले ५ मत प्राप्त गर्नुभयो । जिल्ला समितिमा चयन भएका ३३ जनाले मतदान गरेका हुन् ।

अन्य पदमा भने निर्विरोध भएको थियो । उपाध्यक्षमा किरण विश्वकर्मा र दिपेन्द्र ओली, सचिवमा दुर्गाप्रसाद विक, सह सचिवमा पूजा विक र प्रकाश डाँगी तथा कोषाध्यक्षमा विजया पुन मगर निर्विरोध हुनुभएको हो । मुसिकोट ५ सेरिगाउँको सहिद प्रतिष्ठानको सभा हलमा हिजो देखि सुरु भएको अखिल क्रान्तिकारीको २७ औं जिल्ला सम्मेलन नेतृत्व चयन पश्चात् आज सकिएको छ ।